Aku dan SMAN 5

Pertamo kali masuk SMAN 5 Palembang. Aku belum kenal dengen yang laen. Baru kenal samo kawan-kawan yang dari SMP PUSRI bae. Tapi lamo kelamoan berawal dari saling add Facebook dan mulai kenalan. Akhernyo dapet banyak kenalan dari SMP laen. Sebelom masok ke SMAN 5 perna denger tentang  Tentara/militer. Kiroi apo dio ? Ternyato mereka melatih kami buat latihan baris-berbaris. Guno nyo buat berbaris di lapangan pas Upacara Bendera.  Di SMAN 5 sangat di siplin. Mulai dari rambot, seragam, sepatu, dll. Kami masok jam 6 lewat 20 abes tu ngaji sampe jam 6.45 (kalo dak salah). Pas siang hari Sene-Rabu kami makan siang di sekolah. Abes tu kami balek jam 4.20.

Di SMAN 5 banyak ekskul. Ado Blogger 5, PASSUS, PMR, PKS, Basket, Futsal, Band, dll. Dari pertamo masok aku sudah pengen masuk ekskul Blogger 5. Sampe sekarang aku netep di Blogger 5. Setiap hari Kamis kami ngumpul ekskul Blogger 5. Selain ekskul Blogger 5, aku jugo ekot ekskul Band. Ekskul nyo setiap hari Sabtu-Minggu. Jadi jadwal nyo idak tumburan samo ekskul Blogger 5. Di ekskul Band aku latian maen Drum. Di SMAN 5 ado yang namo nyo kantin kejujuran, guno nyo buat ngelatih kejujuran kami. Tapi masih ado ibuk guru yang jago kantin itu. Denger-denger sih ado yang ngutil. Di belakang sekolah jugo ado yang namo nyo warung Bule’. Tempat para siswa makan gorengan dan es teh sibu atau mo atos. Ha..ha..